Tíðindi

31. januar 2024

United World College

Ynskir tú, at uppliva at gerast partur av einum spennandi og mennandi altjóða undirvísingarumhvørvi? Ja, so hevur tú møguleika at søkja um upptøku á United World College í Dali, sum liggur umleið 100 km norðan fyri Bergen.

United World College Red Cross Nordic (UWC RCN) bjóðar einum føroyskum skúlanæmingi at taka eitt altjóða studentsprógv, kallað IB (International Baccalaureate) á einum altjóða studentaskúla í Dale í Noregi. Treytin fyri at søkja er, at tú á sumri 2024 hevur lokið fyrsta árið í eini 3 ára gymnasialari miðnámsútbúgving,

IB (International Baccalaureate) er ein altjóða gymnasial miðnámsútbúgving, ið tekur 2 ár. Eitt IB prógv gevur somu rættindi innan hægri framhaldslestur, t.e universitet og líknandi, sum eitt føroyskt studentsprógv.

Endamálið hjá UWC RCN-skúlanum er at virka fyri altóða friði og burðadyggari framtíð. Hetta verður m.a. gjørt við, at næmingar úr umleið 80 ymiskum londum búgva og lesa saman í skúlanum.

Studni rindar skúlagjald umframt gjald fyri innivist í skúlanum. Hetta merkir, at umsøkjari ikki samstundis fær stuðul frá Studna sum útibúgvandi.

Ferð aftur og fram millum skúlan og Føroyar verður goldin sambært galdandi reglum hjá Studna. Upphæddin er í 2024 kr. 3.100.

Nærri upplýsingar um skúlan fært tú við at venda tær til formannin í UWC Føroyar á tel 555037 ella til lestrarvegleiðingina í skúlanum, har tú gongur. Tú kanst eisini finna fleiri upplýsingar um skúlan í Noregi á hesi heimasíðuni: www.uwcrcn.no 

Upplýsingar um skúlan eru eisini at finna á Facebook.

Umsókn um upptøku á UWC RCN, avrit av seinastu støðumetunum saman við einari frágreiðing um teg sjálva/n, ið skal skrivast í umsóknarblaðinum, skulu umvegis teldupost sendast claus.reistrup@icloud.com í seinasta lagi sunnudagin 3. mars 2024. Upptøkusamrøður við umsøkjararnar verða hósdagin 7. mars 2024, kl 16 í Tórshavn. Fráboðan um staðið verður send umsøkjarunum. 

Umsóknarblaðið um upptøku á UWC RCN er at finna á heimasíðuni hjá Vegleiðingarstovuni https://vegleiding.fo , Reyða Krossi www.reydikrossur.fo , Undirvísingarstýrinum https://undirvising.fo  og Norrøna Felagnum í Føroyum www.norden.fo

 


02. apríl 2024
Ráðstevna um Nordplus í Føroyum
26. mars 2024
Starv sum skúlaleiðari í Nólsoyar skúla
26. mars 2024
Starv sum skúlaleiðari í Sumbiar skúla
18. mars 2024
Á leið sama umsøkjaratal á miðnámi
Hagtøl
Hagtøl og greiningar fyri skúlaverkið.
Regluverk
Lógir og kunngerðir innan skúlaøkið.
Oyðubløð
Oyðubløð til fólkaskúlar og miðnámsskúlar.