Undirvísingarstýrið og NVL (Norðurlendskt netverk fyri vaksnamannaútbúgving) skipa fyri ráðstevnu á Hilton Garden Inn 16. nov. 2023 um lívlanga vegleiðing og inklusjón á arbeiðsmarknaðinum.

Ráðstevnan er almenn, men vendir sær serliga til vegleiðarar, undirvísarar og tey, sum á onkran hátt arbeiða við vegleiðing, útbúgving, inklusjón og arbeiðsmarknaðarviðurskiftum.

Á ráðstevnuni verða framløgur og orðaskifti. Granskarar frá universitetinum á Malta og Háskóla Íslands fara at greiða frá, hvussu lívlong vegleiðing kann vera við til at fremja góða integratión í samfelagnum, umframt týdningin av flytførum førleikum hjá tilflytarum og borgarum, sum skifta arbeiði av onkrari orsøk.

Umboð fyri Útlendingastovuna, ALS, Vinnuhúsið og Vegleiðingarstovuna fara eisini at umrøða hesi viðurskifti við støði í teirra royndum í føroyska samfelagnum.

Ráðstevnan byrjar kl. 9 við skráseting og morgunmati. Á middegi verður miðmál. Ráðstevnan endar kl. 14.30.

Tekna teg til ráðstevnuna við at senda teldupost til John Dalsgarð, samskipara í Undirvísingarstýrinum: johnd@uvs.fo  í seinasta lagi mikudagin 1. nov. 2023, við upplýsing um navn, starv ella starvsøki og starvsstaði.