Tíðindi
![](/upload/cache/images/0001-0200/5d447c2aaaf5bf30592a0a3870499da52a61b2c2_w1248_h749_fB_ba15.jpg)
Knapt 900 hava søkt inn á eina miðnámsútbúgving
Tá freistin at søkja inn á miðnámsútbúgvingar var úti á midnátt, vóru 878 umsóknir komnar inn. Hetta eru 40 umsóknir færri enn í fjør, og umleið 100 færri enn í 2021.
Av teimum 878 umsøkjarunum hava 677 søkt inn á gymnasialu breytirnar, 18 hava søkt inn á Heilsuskúlan og 183 hava søkt inn á yrkisrættaðu útbúgvingarnar.
Toppskjúttin gjørdist náttúrubreytin, sum fekk omanfyri 200 umsóknir. Hetta er á leið sama tal sum undanfarin ár.
Eins og undanfarin ár, eru tað fleiri gentur enn dreingir, sum søkja inn á miðnám. Í ár eiga genturnar 58 prosent av øllum umsóknunum. Síðan 2015 hava gentur verið betri umboðaðar á gymnasialu breytunum - uttan búskaparbreytini og tøknibreytini, har dreingirnir eru í meiriluta.
Dreingir eru hinvegin, eins og undanfarin ár, munandi fleiri á yrkisrættaðu útbúgvingunum. Tó eru fleiri gentur á heilsuhjálpara, námsfrøðihjálpara, hárfríðkan og klædnaatstøði.
Síðan 2015 hevur talið á umsóknum verið minkandi, og í ár er onki undantak. Í ár eru tað 342 umsóknir færri enn í 2015.
Farið verður nú undir at viðgera umsóknirnar, og umsøkjarar fáa svar í seinasta lagi fríggjadagin 21. apríl 2023.
![](/upload/cache/images/0201-0400/219f86cf58e07419b045f09969ccea52c6e4786a_w200_h120_fC_ha50_va50_afp1.jpg)
Undirvísingarstýrið stongt vegna feriu frá 15. juli til og við 2. augu…
![](/upload/cache/images/0201-0400/64a7cae0034f60d3197e4c4baf8009975fa07d30_w200_h120_fC_ha49_va30_afp1.png)
Hanus Joensen farin frá fyri aldur
![](/upload/cache/images/0201-0400/4fa556be4e783370155d608090196a3645c4ab1b_w200_h120_fC_ha50_va50_afp1.jpg)
Ráðstevna og seminar um talgildar førleikar, inklusjón og lívlanga lær…
![](/upload/cache/images/0201-0400/645e33dd71b39d2751ee5ded595387951d73a4d9_w200_h120_fC_ha50_va50_afp1.jpg)